नाडा अटो शोमा पन्च ईभी: चार दिनमै ३२८ बुकिङ

नाडा अटो शोमा टाटा पन्च ईभी गाडीको ४ दिनमै ३२८ बुकिङ भएको छ । मंगलवारदेखि शुरू भएको नाडा शोमा पहिलो दिनमै १०० भन्दा बढी बुकिङसहित पन्च ईभीको बिक्री शुरू भएकोमा शनिवार थप बढिरहेको हो ।  

नाडा अटो शोको बाँकी दुई दिन पनि पन्च ईभीको स्टलमा उपभोक्ताको बाक्लो  उपस्थिति रहने विश्वास लिइएको सिप्रदीका प्यासेन्जर भेहिकल बिजनेस युनिटका प्रमुख सावन्तजंग सिजापतिले बताए ।  

टाटा पन्च इभीको शुरूवाती मूल्य ३३ लाख ९९ हजार रुपैयाँ रहेको छ । यो शुरूवाती भेरियन्टमा पनि ग्राहकले सनरुफको आनन्द लिन सक्नेछन् । यो मूल्य नाडा शोसम्मलाई मात्र रहेको र पछि बढ्ने कम्पनीले जनाएको छ ।

साथै नाडामा गाडी किन्ने ग्राहकलाई सिप्रदीको आफ्नो चार्जिङ्ग स्टेशनमा निःशुल्क चार्जिङ्गको पनि घोषणा गरेको छ ।