एनआईसी एशियाका कार्ड प्रयोगकर्ताको डाटा सुरक्षा बलियो बनाउन पीसीआई–डीएसएस स्तरोन्नति

एनआईसी एशिया बैंकको कार्ड प्रयोगकर्ताहरूको डाटा सुरक्षा अझ बढी मजबुत हुनेगरी बैंक पीसीआई–डीएसएस भी ४.० (PCI-DSS v4.0) भर्सनमा स्तरोन्नति भएको छ ।

बैंकले आफ्न ईएफटी स्वीच (EFT Switch) सञ्चालन गरेको दोस्रो वर्षमै पीसीआई–डीएसएस भी ३.२.१ भर्सनबाट पीसीआई–डीएसएस भी ४० भर्सनमा स्तरोन्नति भएको हो । यस स्तरोन्नतिसँगै कार्ड प्रयोगकर्ताको डाटा सुरक्षा अझ बढी बलियो बनेको बैंकले जनाएको छ ।

बैंकले सन् २०२३ देखिनै एटीएम र कार्डमा आधारित भुक्तानी प्रणाली आफ्नै ईएफटी स्वीचद्वारा संचालन गर्दै आएको छ । बैंकले भुक्तानी गर्नको लागि डेबिट र क्रेडिट छन्, जुन कार्डहरू नेपाल, भारत, र भुटानमा प्रयोग गर्न सकिन्छ । अन्य विदेशी भुक्तानीको लागि अमेरिकी डलर प्रिपेड कार्ड जारी गरेको छ । 

कार्ड प्रयोगकर्ताहरूको डाटाको पूर्ण सुरक्षा सुनिश्चिताको लागि प्रणालीगत र संस्थागत रूपमा आन्तरिक नियन्त्रण गर्न आवश्यक सुरक्षा डिजाइन र कार्यान्वयनमा विशेष ध्यान दिएको बैंकले जनाएको छ ।