दक्षिण सुडानमा तैनाथ नेपाली शान्ति सैनिकहरूको अदलीबदली

दक्षिण सुडानमा तैनाथ नेपाली शान्ति सैनिकहरूको अदलीबदली भएको छ ।​

श्रीनाथ गण (शान्ति सेना) चौधौं डफ्फाका १७५ जना शान्ति सैनिकहरूको पहिलो टोली बुधबार मिसनका लागि प्रस्थान गरेको हो ।

प्रमुख सेनानी सुरेश देवकोटाको नेतृत्वमा रहेको उक्त टोली संयुक्त राष्ट्र सङ्घको चार्टर विमानद्वारा दक्षिण सुडान प्रस्थान गरेको नेपाली सेनाले जनाएको छ ।

यसअघि सोही मिसनमा आफ्नो कार्यकाल सम्पन्न गरी तारादल गण (शान्ति सेना) तेह्रौं डफ्फाका १७३ जना शान्ति सैनिकहरू सेनानी कुमार गुरुङको नेतृत्वमा यही भदौ १८ गते स्वदेश फिर्ता भएका थिए ।