पलेशाले पाउने ६५ लाख पुरस्कारमा कर छुट दिने प्रधानमन्त्रीको घोषणा

 प्रधानमन्त्री केपी शर्मा ओलीले पारा ओलम्पिकमा कांस्य पदक विजेता पलेशा गोवर्धनले नियमअनुसार पाउने ६५ लाख पुरस्कारमा कर छुट दिने घोषणा गरेका छन् । 

बुधबार साँझ ओलीले यसबारे सामाजिक सञ्जालमार्फत घोषणा गरेका हुन् । 
‘पारा ओलम्पिकमा पलेशा गोवर्धनले नेपाललाई खुसी दिनु भयो। नेपाललाई पहिलो पटक ओलम्पिक पदक दिलाउने पलेशालाई हार्दिक बधाई’, ओलीले भनेका छन्, ‘सरकारले उहाँलाई दिन लागेको रु ६५ लाख पुरस्कारमा लाग्ने कर छुट गरिने छ।’

कांस्य जितेकाले​ पलेशाले खेलकुद कार्यविधिअनुसार ६५ लाख पाउने भएकी छिन् । आजै पलेशाले ओलीसँग भेट गरेकी थिइन् ।