नेपाली बजारमा आज सुनचाँदीको मूल्य बढेको छ । नेपाल सुनचाँदी व्यवसायी महासङ्घका अनुसार छापावाल सुनको मूल्य आज प्रतितोला चार हजार २०० ले वृद्धि भई दुई लाख ८८ हजार  कायम भएको हो ।

अघिल्लो कारोबार दिन सुनको मूल्य प्रतितोला दुई लाख ८३ हजार ८०० थियो । 

यसैगरी, चाँदीको मूल्य प्रतितोला ९५ ले बढेर चार हजार ४७५ पुगेको छ । अघिल्लो दिन चाँदी प्रतितोला चार हजार ३८० मा कारोबार भएको थियो ।

अन्तर्राष्ट्रिय बजारमा आज सुनको मूल्य प्रतिऔँस चार हजार १२७  र चाँदीको  मूल्य प्रतिऔँस ६० अमेरिकी डलर कायम भएको छ ।