२३ भदौ २०८३, मंगलबार
अख्तियार दुरुपयोग अनुसन्धान आयोगले सडक डिभिजन कार्यालय दाङका तत्कालीन कार्यालय प्रमुख रामपुकार जयसवाल, राप्ती गाउँपालिकाका अध्यक्ष प्रकाश विष्टसहित ९ जनाविरुद्ध भ्रष्टाचार मुद्दा दायर गरेको छ ।
सार्वजनिक सम्पत्ति हानिनोक्सानी गरी भ्रष्टाचार गरेको आरोपमा उनीहरूविरुद्ध सोमबार विशेष अदालतमा मुद्दा दायर गरिएको आयोगका सहायक प्रवक्ता गणेशबहादुर अधिकारीले जानकारी दिए ।
आयोगले जयसवाल र डिभिजन वन कार्यालय दाङ (देउखुरी)का तत्कालीन वन अधिकृत राजु क्षेत्रीविरुद्ध ८१ लाख २७ हजार ९०० रुपैयाँ बिगो दाबी गरेको छ।
यसैगरी राप्तीमा अध्यक्ष विष्टविरुद्ध ५८ लाख ४५ हजार ८२५ रुपैयाँ, राप्ती गाउँपालिका वडा नम्बर १ का अध्यक्ष गेमे खड्काविरुद्ध ३ लाख ७१ हजार, राप्ती गाउँपालिका वडा नम्बर ४ का अध्यक्ष वीरबहादुर चौधरीविरुद्ध १ लाख ४१ हजार २२६ रुपैयाँ, अभिमान चौधरीविरुद्ध ७३ हजार ६४६ रुपैयाँ बिगो दाबी गरेको छ ।
यसैगरी, नन्दु गिरीविरुद्ध ३० हजार ९८० रुपैयाँ, झविन्द्रप्रसाद भण्डारिविरुद्ध १ लाख ४१ हजार २२६ रुपैयाँ र केशरबहादुर चौधरीविरुद्ध ३६ हजार ६१० रुपैयाँ बिगो दाबी गर्दै मुद्दा दायर गरिएको आयोगले जनाएको छ ।
हर्नुहोस्, अभियोगपत्र :
