२३ भदौ २०८३, मंगलबार
नेपाल टेलिकमले बाढी प्रभावित रसुवा, धादिङ र नुवाकोटका थप चार मोबाइल साइट सञ्चालनमा ल्याएको छ ।
टेलिकमले सोमबार रसुवाको जिबजिबे र सरमथली, धादिङको बेनीघाट तथा नुवाकोटको त्रिशूली बजार साइट सञ्चालनमा ल्याएको हो।
यससँगै बाढीबाट प्रभावित १२० साइटमध्ये ११० साइट सुचारु भएका छन्।
जिबजिबे र सरमथली टावर सञ्चालनमा आएसँगै आसपासका विभिन्न क्षेत्रका सेवाग्राही लाभान्वित हुनेछन् भने बेनीघाट र त्रिशूली साइटबाट बजार तथा आसपासका क्षेत्रमा सञ्चार सेवा सहज हुने टेलिकमले जनाएको छ।
