बाल यौन दुराचारको अभियोगमा अमेरिकी नागरिक पक्राउ

बाल यौन दुराचारको अभियोगमा अमेरिकी नागरिक ज्यासन लोयड मोडीलाई पक्राउ गरेको छ ।

नेपाली बालिकालाई जबरजस्ती करणी तथा उद्योग गरेको अभियोगमा अमेरिकी नागरिक राहदानी नम्बर ५६७४७२५३५ बाहक ४० वर्षका ज्यासन लोयड मोडीलाई काठमाडौं महानगरपालिका–९ एयरपोर्टस्थित मेमोरियल गेष्ट हाउसबाट आइतबार प्रहरीले पक्राउ गरेको हो ।


Advertisement

आर्थिक प्रलोभन देखाई खानेकुरा दिई ललाई फकाई नेपाली बालबालिकालाई यौनशोषण गर्ने गरेको भन्ने सूचनाको आधारमा उक्त गेष्ट हाउसको कोठा नम्बर १०४ बाट ३ बालिका सहित ज्यासन आपत्तिजनक अवस्थामा फेला पारी केन्द्रीय अनुसन्धान ब्यूरो महारागंजबाट खटिएको प्रहरीले पक्राउ गरेको प्रहरीले जनाएको छ ।

होटलको कोठाबाट ५६७४७२५३५, ५०६०७३०८४ र ५४५६५८५०० नम्बरका युएसएको राहदानी ३ थान, ल्यापटप १ थान, मोबाइल ४ थान, बिभिन्न बैंकको एटिएम कार्डहरु, मास्टर कार्डहरु तथा चेकको स्लिपहरु र विश्वभाषा क्याम्पसबाट जारी भएका उनको परिचयपत्र १ थान प्रहरीले बरामद गरेको छ । 


Advertisement

ज्यासनलाई बाल यौन दुराचार जस्तो जघन्य अपराधमा संलग्न रहेको समेत खुल्न आएको तथा उनी उपर जबरजस्ती करणी सम्बन्धि कसूर अन्तर्गत अनुसन्धान भइरहेको उक्त ब्यूरोले जनाएको छ ।

 

कमेन्ट गर्नुहोस्