भुटानलाई हराउँदै साग फूटबलमा नेपालले जित्यो स्वर्ण

१३ औं दक्षिण एसियाली खेलकुद (साग) अन्तर्गत पुरुष फूटबल फाइनल खेलमा नेपालले भुटानलाई पराजित गरेको छ ।

मंगलवार त्रिपुरेश्वरस्थित दशरथ रंगशालामा भएको फाइनलमा खेलमा नेपालले भुटानलाई  २-१ गोल अन्तरले पराजित गर्दै स्वर्ण कब्जा गरेको हो ।


Advertisement

नेपालका लागि शुरूआती अग्रता पहिलो हाफको १६ औं मिनेटमा अभिषेक रिजालले दिलाएका थिए । तर ३२ औं मिनेटमा भुटानका चेञ्चो ग्याल्सेनले गोल फर्काउँदै खेललाई बराबरीमा ल्याए ।

पहिलो हाफ एक-एकको बराबरीमा टुंगिएको खेलमा नेपाली टोली भुटानविरुद्ध पुन: हाबी भयो । खेलको ५२ औं मिनेटमा सुनिल बलले हेडमार्फत शानदार गोल गर्दै नेपाललाई २-१ को अवस्थामा ल्याए ।  


Advertisement

अन्तिमसम्म पनि भुटान खेलमा फर्कन प्रयास गरिरहे पनि सफल भएन र खेल नेपालले २-१ ले जित्यो ।

यससँगै नेपालले साग फूटबलमा स्वर्ण हात पारेको छ । सागमा रजत पदक पनि भुटानका लागि ऐतिहासिक हो ।

फूटबलमा नेपालले स्वर्ण जित्दा फ्यानहरूले 'ऐतिहासिक' मानेका छन् ।  

फूटबलमा स्वर्ण पदक जितेसँगै नेपालले ५१ वटा स्वर्ण पदक जितेको छ । 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्