तत्कालीन डिएफओसहित १३ जनाविरुद्ध डेढ करोडको भ्रष्टाचार मुद्दा

अख्तियार दुरुपयोग अनुसन्धान आयोगले मकवानपुरका तत्कालीन जिल्ला वन अधिकृतसहित १३ जना विरुद्ध विशेष अदालतमा मुद्दा दायर गरेको छ। 

अवैध रुपमा सामुदायिक वनको काठ काटेर विक्री गरेको अभियोगमा अख्तियारले १३ जनाविरुद्ध एक करोड ५२ लाख २९ हजार ३२६ बराबरको भ्रष्टाचार गरेको अभियोग लगाएको हो। 


Advertisement

तत्कालीन जिल्ला वन अधिकृत राजेन्द्र न्यौपाने, तत्कालीन सहायक वन अधिकृतहरु रामबाबु यादव, राजेन्द्रमान राजभण्डारी, विशाल भट्टराई, सोनालालप्रसाद जैसवाल र नारायणबहादुर कार्की भ्रष्टाचारमा संलग्न रहेको अख्तियारको अभियोगपत्रमा उल्लेख छ।

त्यस्तै, तत्कालीन रेन्जर राजु लामा, तत्कालीन फरेष्टर मोहनराज घिमिरे, तत्कालीन वन रक्षकद्वय किरणकुमार क्षेत्री र धनलाल यादव, वन उपभोक्ता समितिका अध्यक्ष कमानसिंह न्यासुर, सचिव हरिमाया मोक्तान र कोषाध्यक्ष रेजिना गोलेविरुद्ध पनि आयोगले मुद्दा दायर गरेको हो ।


Advertisement

तत्कालीन गढी ईलाका वन कार्यालय, मकवानपुर, सेक्टर वन कार्यालय मकवानपुर, जिल्ला वन कार्यालय मकवानपुर, क्षेत्रीय वन निर्देशनालय हेटौडासमेतका कर्मचारीहरु र सेतीदेवी सामुदायिक वन उपभोक्ता समूहका पदाधिकारीहरुको मिलेमतोमा स्वीकृत कार्ययोजना तथा निर्णय विपरीत उक्त वनका हरिया साल तथा अस्ना जातका रुखहरुको हुन आउने परिमाण ९ हजार १ सय ७८ क्यफिट काठ काटेर विक्री गरेको उनीहरुविरुद्ध आरोप छ।

यस्ताे छ अभियाेगपत्र

जिल्ला वन कार्यालय हेटौडासमेतले गैर-कानूनीरुपमा काठ कटान गरी सार्वजनिक सम्पत्ति हानिनोक्सानी गरेको भन्ने उजुरी/निवेदन सम्बन्धमा अनुसन्धान हुँदा तत्कालीन गढी ईलाका वन कार्यालय, मकवानपुर, सेक्टर वन कार्यालय मकवानपुर, जिल्ला वन कार्यालय मकवानपुर, क्षेत्रीय वन निर्देशनालय हेटौडासमेतका कर्मचारीहरु र सेतीदेवी सामुदायिक वन उपभोक्ता समुहका पदाधिकारीहरुको मिलेमतोमा स्वीकृत कार्ययोजना तथा निर्णय विपरीत उक्त वनका हरिया साल तथा अस्ना जातका रुखहरुको हुन आउने परिमाण ९१७८।०९ क्यू.फिट काटि बिक्री वितरण गरी नेपाल सरकारलाई हानिनोक्सानी पुर्‍याई भ्रष्टाचार निवारण ऐन, २०५९ बमोजिम भ्रष्टाचारजन्य कसुरमा संलग्न भएको पाइएको हुँदा देहायका व्यक्तिहरुको हकमा देहाय बमोजिम सजाय हुन मागदाबी लिई आज विशेष अदालत काठमाडौंमा आरोपपत्र दायर गरिएको छ ।

देहाय

सि.नं. पद, नामथरकार्यालयबिगो रु.कसुर र मागदाबी
 तत्कालीन जिल्ला वन अधिकृत राजेन्द्र न्यौपानेजिल्ला बन कार्यालय मकवानपुर१,५२,१९,३२६।७६भ्रष्टाचार निवारण ऐन, २०५९ को दफा १९ को उपदफा (२) र भ्रष्टाचार निवारण ऐन, २०५९ को दफा १७ को समेत कसुर गरेको हुँदा निजलाई सोही ऐनको दफा १७ ले निर्देश गरे बमोजिम सोही ऐनको दफा ३ को उपदफा (१) र दफा ३ को उपदफा (१) को खण्ड (झ) एवं सोही ऐनको दफा १९ को उपदफा (२) बमोजिमसमेत सजाय गरी भ्रष्टाचार निवारण ऐन, २०५९ को दफा १७ बमोजिम हानिनोक्सानी गरेको बिगो रकम असुलउपर हुनसमेत मागदाबी लिइएको छ।
तत्कालीन सहायक वन अधिकृत रामवावु यादवईलाका वन कार्यालय गढी मकवानपुर१,५२,१९,३२६।७६   ”
 तत्कालीन सहायक वन अधिकृत हाल अवकाशप्राप्त राजेन्द्रमान राजभण्डारीसेक्टर वन कार्यालय फापरवारी, मकवानपुर१,५२,१९,३२६।७६
 तत्कालीन सहायक वन अधिकृत बिशाल भट्टराईजिल्ला वन कार्यालय मकवानपुर१,५२,१९,३२६।७६ ”
तत्कालीन सहायक वन अधिकृत सोनालालप्रसाद जयसवाल१,५२,१९,३२६।७६
 तत्कालीन सहायक वन अधिकृत नारायण वहादुर कार्कीक्षेत्रीय वन निर्देशनालय, हेटौंडा१,५२,१९,३२६।७६
तत्कालीन रेन्जर राजु लामा१,५२,१९,३२६।७६
तत्कालीन फरेष्टर मोहनराज घिमिरेगढी ईलाका वन कार्यलय, मकवानपुर१,५२,१९,३२६।७६ ”
 तत्कालीन बन रक्षक किरणकुमार क्षेत्री १,५२,१९,३२६।७६
१० तत्कालीन बन रक्षक धनलाल यादव१,५२,१९,३२६।७६
११अध्यक्ष कमानसिंह न्यासुरसेतीदेवी सामुदायिक वन उपभोक्ता समूह१,५२,१९,३२६।७६निजलाई भ्रष्टाचार निवारण ऐन, २०५९ को दफा ८ को उपदफा (४) बमोजिम सजाय गरी नेपाल सरकारलाई हानिनोक्सानी पुर्‍याएको बिगो रकम सोही ऐनको दफा ८ को उपदफा (४) बमोजिम असुलउपर गरी जफत हुन मागदाबी लिइएको छ ।
१२सचिव हरिमाया मोक्तान ”१,५२,१९,३२६।७६ ”
१३कोषाध्यक्ष रेजिना गोले ”१,५२,१९,३२६।७६ ”

 

 

     

 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्