आगलागी हुँदा ४८ लाख बराबरको क्षति

प्रतिकात्मक तस्वीर

विद्युत् सर्ट भएर घरमा आगलागी हुँदा ४८ लाख रुपैयाँभन्दा बढीको धनमाल जलेर नष्ट भएको छ ।

दिक्तेल रुपाकोट मझुवागढी नगरपालिका–३ बाम्राङस्थित रमितेडाँडाका गोपी कटवालको दुईतले घर तथा घरमा राखिएका छ तोला सुन, २ लाख नगद, अन्नपात, काठपातलगायत जल्दा ४८ लाख रुपैयाँभन्दा बढीको क्षति भएको हो ।


Advertisement

आगलागीमा कटवालको घरमा राखिएको ५० मुरी धान, ३० मुरी मकै, २० मुरी कोदो, भाँडावर्तन लगायतका धनमाल जलेर नष्ट भएको जिल्ला प्रहरी कार्यालयका प्रहरी नायब उपरीक्षक वामदेव गौतमले बताए । मंगलवार बिहान करीब ८ बजेको समयमा लागेको आगो नेपाल प्रहरी, सशस्त्र प्रहरी, नेपाली सेना र स्थानीयले नियन्त्रणमा लिएको थियो । 

अग्निपीडित कटवाल सामुदायिक सेवा केन्द्र दिक्तेलका प्रमुख एवं प्रहरी सहायक निरीक्षक हुन् । पुरानो घर नजिकै नयाँ आरसिसी ढलानसहितको घर बनाए पनि कटवाल परिवार पुरानै घरमा बस्दै आएका थिए ।  


Advertisement

कमेन्ट गर्नुहोस्