कृषि बैंक घोटालाः तत्कालीन शाखा प्रबन्धकसहित ८ जनाविरुद्ध भ्रष्टाचार मुद्दा

अख्तियार दुरुपयोग अनुसन्धान आयोगले काठमाडौँको न्यूरोडस्थित कृषि विकास बैंकका तत्कालीन शाखा प्रबन्धक प्रेमहरि ढुङ्गेलसहित ८ जना विरुद्ध भ्रष्टाचार मुद्दा दायर गरेको छ।

अनधिकृतरुपमा बैंकको रकम निकाली हानि–नोक्सानी पु¥याएर अनुचित लाभ प्राप्त गरेको आरोपमा अख्तियारले उनीहरुविरुद्ध विशेष अदालतमा मुद्दा दायर गरेको हो।


Advertisement

आयोगले प्रबन्धक ढुंगेल र बैंकको नयाँ सडक शाखाकी ट्रेलर सहायक रेग्मीविरुद्ध  चार करोड २४ लाख १३ हजार ६११ बराबरको हानि–नोक्सानी गरेको अभियोगमा मुद्दा दायर गरेको हो । 

यसैगरी बैंकका ऋण शाखा प्रमुख गोपाल गिरीविरुद्ध  दुई करोड ६१ लाख १९ हजार ४१५, तत्कालीन ऋण अधिकृत सलिल रेग्मीविरुद्ध एक करोड १० लाख ३३ हजार १९६, ऋण शाखाप्रमुख महेश्वर मरहट्ठाविरुद्ध रु ७६ लाख २१ हजार, तारानाथ पाण्डेविरुद्ध  चार लाख, अवकाश प्राप्त सहायक रथी रमेशनाथ विष्टविरुद्ध  चार करोड २४ लाख १३ हजार ६११, दुर्गा ज्वेलर्सका सञ्चालक प्रकाश घतानेविरुद्ध  दुई करोड ६७ लाख ७५ हजार ४३५ बराबरको बिगो माग गर्दै मुद्दा दायर गरिएको छ। 
 


Advertisement

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्