अमेरिकी सेनाले अफगानिस्तानमा दुर्घटनाग्रस्त विमानबाट निकाल्यो दुई शव

अफगानिस्तानमा दुर्घटनाग्रस्त भएको एक सैन्य विमानबाट दुईजनाको भौतिक अवशेष मंगलवार अमेरिकी सेनाले निकालेको छ । 

सोमवार अमेरिकी सेनाले गजनी प्रान्तमा ई–११ए विमान दुर्घटनाग्रस्त भएको बतायो तर तालिबानले विमान खसाएको भनी गरेको दाबीलाई खारेज गर्‍यो । 


Advertisement

मंगलवार अफगान सुरक्षाबल र तालिबान लडाकूहरू अमेरिकी सैन्य विमान दुर्घटना भएको मध्य क्षेत्रमा भिडेका थिए । तालिबानको पकड रहेको दुर्घटनास्थल पुग्नका लागि सरकारले कोशिश गरेपछि भिडन्त भएको थियो । 

‘अमेरिकी बलहरूले यूएस बम्बार्डियर ई–११ए विमान दुर्घटना भएको ठाउँबाट दुई सैनिकको भौतिक अवशेष निकालेको छ,’ अमेरिकी सेनाले बयान निकालेर जनायो । 


Advertisement

भौतिक अवशेषलाई स्थानीय अफगान समुदायले मर्यादा र सम्मानका साथ राखेको वक्तव्यमा उल्लेख गरिएको छ । 

फ्लाइट डेटा रेकर्डर र विमानका भग्नावशेष पनि अमेरिकी सेनाले रिकोभर गरेको बताइएको छ । 

गजनीका प्रान्तीय प्रहरी प्रमुख खालिद वर्दाकले दुर्घटनास्थलबाट मंगलवार अमेरिकी सेनाले दुई शरीर विमानमा राखेर लगेको बताए । 

तालिबान र अमेरिकाबीच अफगानिस्तानको १८ वर्षसम्म चलेको युद्ध अन्त्यका लागि वार्ता चलिरहेको बेलामा यो घटना भएको हो । 

एजेन्सी
एजेन्सी

लेखकबाट थप...

कमेन्ट गर्नुहोस्