×

X
Nic Asia
Marvel

चुनावी मैदानबाट नायिका रेखाको गर्जन

जनताले विकल्पमा युवा खोजिरहेका छन्, मेरो प्रतिस्पर्धी कोही छैनन् : रेखा थापा [अन्तर्वार्ता]

विराटनगर | भदौ २९, २०७९

NTC
Premier Steels
British college
TVS INSIDE

मंसिर ४ गते हुने प्रतिनिधिसभा र प्रदेशसभा सदस्य निर्वाचनका लागि ‘सेलिब्रेटी’ समेत चुनावी मैदानमा उत्रिसकेका छन् । उम्मेदवार बनेकामध्ये केही स्वतन्त्र छन् भने केही दलको झण्डा लिएर मैदानमा गएका छन् ।

DHARA
LAxmi BAnk

मोरङको ३ नम्बर क्षेत्रमा रेखा थापाले चुनावी माहोल तताइरहेकी छन् । प्रतिनिधिसभा सदस्यका लागि उम्मेदवारी घोषणा गरेर थापाले घरदैलो अभियान थालेकी छन् । उनी राष्ट्रिय प्रजातन्त्र पार्टी (राप्रपा) की केन्द्रीय सदस्य हुन् । राजनीतिभन्दा नायिकाको रूपमा चिनिएकी अभिनेत्री थापासँग लोकान्तरकर्मी उत्तम पोख्रेलले गरेका कुराकानीको सम्पादित अंश :-


Advertisment
NMB BANK
RMC TANSEN
NIC ISLAND BOX

तपाईं कलाकारितामा स्थापित भइसक्नुभएको छ, राजनीतिमा आउनुको कारण के हो ?

– कलाकारिताबाट पनि पनि देशको सेवा गर्ने हो । परिभाषा फरक हो । मैले अभिनय गरेका चलचित्र पनि समाज परिवर्तन गर्ने खालका नै छन् । महिला हिंसाका विषय, दाइजो प्रथाको विषय लगायतका कूरीति, कुसंस्कारका विषयमा कुरा उठाइरहँदा सुनुवाइ भएन ।  चलचित्र भनेको समाजको ऐना हो तर मैले उठाएको आवाज सुनुवाइ भएन, फिल्ममा मात्रै पीडा, दुःख, कष्टका आवाज उठ्ने भए ।


Advertisment
Bizbazar
Saurya island

राजनीति भनेको समाजको सबैभन्दा सर्वोत्कृष्ट सेवा गर्ने थलो हो । राजनीति व्यावसायिकीकरण भयो, राजनीतिमा गुण्डागर्दी, फोहोरी भएपछि त्यसलाई शुद्ध बनाउनुपर्‍यो । त्यसैले महिलाका, दलितका, पिछडिएका वर्गका आवाज उठाउनका लागि म राजनीतिमा आएको हो ।

मोरङको ३ नम्बर क्षेत्रमा ठूला दलकै हालीमुहाली छ । यस क्षेत्रमा तपाईंको जीत हुने आधारहरू के–के हुन् ?

Vianet communication
IME BANK INNEWS

– प्रतिस्पर्धा मेरो मनले गर्ने हो, प्रतिस्पर्धा गर्न नै यो पुस्ता डराउँछ भने यो पुस्ता कहिले जाग्छ ? १८ वर्षको उमेरदेखि यिनैलाई भोट हालेका हाल्यै छौं । मैले यिनै ठूला दलका नेताहरूलाई भोट हाल्दै गर्दा ३५–३६ वर्ष पुगिसके । यो पुस्ताले एकपटक जाग्नुपर्दैन ? हाम्रो पुस्ता बितिसक्यो । अब आउने पुस्ताका लागि हामी लाग्नुपर्छ । तपाईंले भन्नुहोला, संगठन खै भनेर । संगठनले काम गर्ने होइन नि, अब व्यक्तिले काम गर्ने हो । किन डराउने ? केका लागि डराउने ? नेपाली जनताले बुझिसकेका छन् । जहिल्यै नेपाली जनता बन्दी बस्नु हुँदैन । नेपाली भनेका त बहादुर हुन् । जनताको पहिचान दिने बेला आएको छ ।

वर्षाैंपछि युवाहरू जोसजाँगरसहित मैदानमा आएका छन् ।  युवालाई निराश बनाउनु भएन नि ! फेरि पनि युवालाई निराश बनाउने हो भने देश २० वर्ष पछाडि धकेलिन्छ ।

अहिलेसम्म हेर्दा भानुभक्त ढकाल र सुनिल शर्मासँग तपाईंको प्रतिस्पर्धा हुने देखिएको छ, जीत कतिको सहज छ ?

– उहाँहरू दुवै जना मेरा दाइहरू हुन् । मेरो प्रतिस्पर्धा दाइहरूसँग हुनै सक्दैन नि ! म यसअघि उहाँहरूको मतदाता पनि हो नि ! मेरो क्षेत्रका आमाबुवा, दाजुभाइ, दिदीबहिनीले भोट हालेर जिताएकाहरूबाट के पाए ? अघिल्लो पटक निर्वाचन जित्दै गर्दा तपाईंले गरेका वाचा कति पूरा भए ? सुकुम्वासी समस्या समाधान खै ? स्वास्थ्य शिक्षाको विकास किन भएन ? अब चुनावमा आउँदा कुन मुख लिएर आउनुहुन्छ ? मेरो प्रश्न भानुभक्त ढकालसँग हो । मेरो प्रश्न उहाँका कार्यकर्तालाई पनि हो । तपाईंहरू कार्यकर्ता नबन्नुहोस्, तपाईंहरूलाई लाज लाग्दैन ? आफ्नै नेतालाई प्रश्न गर्नुहोस् ।

अर्काे दाइको कुरा त मैले गर्नु नै पर्दैन होला । उहाँको प्रतिस्पर्धा मसँग कदापी हुनै सक्दैन । किनकि म उमेरले उहाँभन्दा सानो । म व्यापारी पनि होइन, यो प्रतिस्पर्धा न्याय र अन्यायको प्रतिस्पर्धा हो, यो भ्रष्टाचारी र स्वच्छ छवि भएका बीचको हो, यो प्रतिस्पर्धा नितान्त सेवा गर्ने र व्यापारी बीचको हो । मोरङको ३ नम्बर क्षेत्रका जनताले यो कुराको मूल्यांकन गर्नुपर्छ । हामी कसलाई जिताउने हो ? हामी व्यापारीलाई जिताउने हो कि भ्रष्टाचारीलाई जिताउने हो ? यो निर्णय गर्ने अधिकार जनताको हातमा छ । चुनाव जितेर जानेको मात्रै दोष छैन, यहाँ हामी भोट हाल्नेको पनि दोष छ । त्यसैले यसपटक सोच्ने बेला आएको छ ।

घरदैलोमा पुगिरहनुभएको छ, मतदाताहरूको माया कस्तो पाउनुभएको छ ?

– एकदमै राम्रो माहौल छ । धेरै माया पाएको छु । सबैभन्दा बढी बुवाआमा र युवाको माया पाएको छु, जसले मलाई माया गर्नुपर्ने हो, उहाँहरूले माया गरेपछि सक्किगो नि ! यसअघि जितेर गएकाहरूले काम नगरेपछि जनता धेरै आक्रोशित हुनुहुन्छ । हिजो गरेको धोकाको हामी हिसाबकिताब गर्छाैं भन्नुभएको छ । हाम्रो मत खेर गयो भन्ने पीडा उहाँहरूलाई छ ।  उहाँहरूले दिएको आशिर्वादले हौसला पनि मिलेको छ । उहाँहरू जागिसक्नुभएको छ । अब पनि तिनै चेहरालाई जिताउने हो भने त जनता नै खराब हुन् भनेर प्रमाणित गरिदिए हुन्छ तपाईंहरूले । अब पनि यो अवस्थामा पनि परिवर्तन गराउन सकेनौं भने त यो जुनीमा युवाहरू सायदै मैदानमा आउलान् ।

युवाहरूलाई निराश बनाउनु हुँदैन भन्ने मेरो आग्रह छ । पार्टीभन्दा माथि उठ्नुपर्‍यो । ५ वर्षसम्म हामीले पीडा सहनुबाहेक केही भएन, अब हामी यस्तो गल्ती गर्दैनौ भनेर मलाइ मतदाताले भन्नुभएको छ ।

राप्रपा र एमालेबीच चुनावी तालमेल भए तपाईं ६ नम्बर क्षेत्रमा जाने हल्ला पनि चलिरहेको छ, के यो साँचो हो ?

– होइन । मलाई यो माटोले बोलाएको हो । मलाई यहाँका देवीदेउताले बोलाएका हुन् । जब धर्तीमा अन्याय हुन्छ, तब धर्तीमा भगवान् आउनुहुन्छ रे क्या ! ३ नम्बर क्षेत्रका जनतालाई अन्याय भएको छ । यहाँका जनतालाई लुटेर बेककुब बनाएर, मूर्ख बनाएर कमाइरहेका छन् । म त्यो हुन दिन्न, त्यसका लागि पनि म आएको हुँ ।

तालमेलको कुरामा चाहिँ त्यति सजिलो छैन । हाम्रो कुनै दलसँग पनि चुनावी गठबन्धन हुँदैन । ठाउँ र परिवेश हेरेर हाम्रो चुनावी तालमेल हुनसक्छ । हाम्रो अध्यक्षज्यूको निर्वाचन क्षेत्रमा नै तालमेल नहुने सम्भावना बढी छ ।

फिल्ममा अभिनय गर्नुभन्दा राजनीति गर्न नै गाह्रो होला, होइन ?

– कहाँ त्यस्तो कुरा गर्नुभएको ? तपाईंहरूले यस्ता कुरा नगरिदिनु न ! फिल्म भनेको तपाईंहरूले जोक ठान्नुभएको छ । यहाँ राजनीतिभन्दा ठूलो खेलबाड हुन्छ । असल राजनीति गर्ने मान्छे मात्रै चलचित्रको उत्कृष्ट स्थानमा पुग्छ । राजनीतिभन्दा फिल्म गाह्रो कुरा हो । पर्दामा त्यत्रा मानिसहरूलाई सन्देश दिनु सामान्य कुरा होइन । हरेक कुराको आ–आफ्नो महत्त्व हुन्छ । राजनीति जनताको भावना बुझेर निःस्वार्थ भावले गर्ने हो तर फिल्ममा त बुझ्न गाह्रो छ नि ! राजनीति गाह्रो फिल्म सजिलो भन्ने परिभाषा प्लीज नबुझिदिनुहोला ।

त्यसो भए राजनीतिभन्दा फिल्म अप्ठ्यारो हो ?

– सजिलोभन्दा पनि एकअर्काका परिपुरक हुन् । सेवा गर्ने प्लेटफर्म मात्रै हुन् । 

तपाईंका चुनावी एजेन्डा के–के हुन् ?

– मैले कलेक्सन गरिरहेको छु । वडावडामा पुगेर मतदाताहरूसँग भेटेर उहाँहरूका समस्या टिपिरहेको छु । सबै वडामा पुगेर मात्रै घोषणापत्र बनाउँछु । महत्त्वपूर्ण कुरा चाहिँ यस क्षेत्रको स्वास्थ्य हो । मैले जितेको पहिलो शिलान्यास पनि त्यहीँबाट हुन्छ । यहाँ कोही बिरामी भयो भने विराटनगर लगिन्छ, त्यो रणनीतिक हिसाबले हो । किनभने नेता बनिरहनुपर्‍यो, व्यापार गरिराख्नुपर्‍यो । यहाँ किन अस्पताल बनेन ? यहाँका जनता बिरामी परे भने धरान जानुपर्‍यो कि विराटनगर । बिरामी पर्दा विराटनगर र धरान जानु नपर्ने म बनाउँछु । पूर्वाञ्चल विश्वविद्यालयलाई संसारभरका मानिसहरूलाई हेर्न आउने बनाउनुपर्ने छ । यसले गर्दा यस क्षेत्रमा पर्यटकहहरू आउँछन् । आयआर्जन पनि बढ्छ । पर्यटकहरू आउने योजना म बनाउँछु । पूर्वाचल विश्वविद्यालयमै डाक्टर पढ्न पाउनुपर्छ । गरीबका छोराछोरीले निजी कलेजमा गएर किन पढ्ने ? आफ्नै घरको भात खाएर थोरै खर्चमा नै डाक्टर पढ्न पाउने म बनाउँछु । यहाँ बेरोजगारको कुरा आइरहेका छन् । युवाहरूलाई स्वदेशमै रोजगारी दिनका लागि हामी उद्योगधन्दा खोल्न सक्छौं । म यो क्षेत्रका दिदीबहिनीलाई चुलोचौकोबाट माथि निकाल्न चाहन्छु । चुलोबाट थुतेर निकाल्छु । उहाँहरूलाई ८ घण्टा काममा लगाउन सक्छु । हामीले लामो समयदेखि महिला मुक्तिको कुरा गर्‍यौं, अब मैले जितेपछि महिलाहरूका लागि मोरङ ३ नम्बर क्षेत्र हेर्न जाऔं भन्ने बनाउँछु । शिक्षा र आयुर्वेदको हब बनाउन सक्छौं ।

तपाईं रिलमा एक्टिङ गरेर आउनुभएको, संसदमा त रियलमै एक्टिङ गरिरहेका छन् । त्यहाँ तपाईंको भूमिका के हुन्छ ?

– मैले रिलमा एक्टिङ गरिनँ । जे हो वास्तविकता त्यहीँ देखाएको छु । म जे बोल्छु, त्यो गरेर देखाउँछु । म गलत सपना देखाउँदिनँ । मेरो आत्मामा हरि छन् । म पनि पीडित हो । मलाई पनि पिडा दिएका छन् नि ! म पनि भिक्टिम भएको छु नि यो राजनीतिबाट । त्यसैले सबै पीडा म त्यहाँ बोल्छु ।

त्यसो भए जीत निश्चित छ ?

– मान्नुहोस् न ! मैले एक प्रकारले जितिसकें ।  

खर्च त धेरै हुन्छ भन्छन् नि चुनावमा ? 

– काम नगर्नेहरूले खर्च गर्दा हुन् । अब जनता १ किलो मासुमा बिक्री हुँदैनन् । सबै पढेलेखेका छन् । अब को कस्तो उम्मेदवार हो भनेर जनताले छुट्याउन सक्ने भएकाले खर्च गर्नु नै पर्दैन ।

Maruti inside
TATA Below
NLIC
ncc inside
असार २७, २०७९

मस्कोमा बस्ने अमेरिकी राजनीतिक विश्लेषक एन्ड्रु कोरीब्को विश्व मामिलामा व्यापक टिप्पणी गर्ने गर्छन् । विश्व व्यवस्थामा आइरहेका परिवर्तन तथा अन्तर्राष्ट्रिय सम्बन्धमा विकसित बहुध्रुवीयताका बारेमा कोरीब्कोको गहिरो बुझाइ छ ।...

भदौ २३, २०७९

नेपालको हवाई क्षेत्रको नियामक निकाय नेपाल नागरिक उड्डयन प्राधिकरण (क्यान) का महानिर्देशक हुन्, ई. प्रदीप अधिकारी । माघ २० गतेबाट उड्डयन प्राधिकरणको नेतृत्व सम्हालेपछि समग्र हवाई उड्डयन क्षेत्रकै सुधारका लागि का...

साउन १२, २०७९

सत्तारूढ पाँचदलीय गठबन्धनभित्रका वामपन्थी झुकाव राख्ने दलहरू मिलेर समाजवादी केन्द्र वा मोर्चाको रूपमा उप–गठबन्धन बनाउनेबारे नेताहरूबीच घनिभूत छलफल चलिरहेको छ ।  त्यसमा पनि नेकपा माओवादी केन्द्रका...

असोज ५, २०७९

राष्ट्रपति विद्यादेवी भण्डारीले नागरिकता विधेयक प्रमाणीकरण नगरेपछि सत्तारूढ गठबन्धनमा रहेका दलहरूले आलोचना र विरोध गरिरहेका छन् । राष्ट्रपतिले संविधान उल्लंघन गरेको उनीहरूको तर्क छ । राष्ट्रपतिको कदमविरूद्ध अद...

असार २२, २०७९

सरकारले प्रतिनिधि सभा र प्रदेश सभा निर्वाचनको मिति घोषणाको गृहकार्य गरिरहेको छ । निर्वाचन आयोगले पनि सरकारलाई निर्वाचन मिति घोषणाका लागि सुझाव दिइरहेको छ । तर, यसबीचमा निर्वाचनको मिति घोषणापछि संसद् रहने क...

भदौ २१, २०७९

सम्पत्ति शुद्धीकरण अनुसन्धान विभागले सिभिल सहकारी प्रकरणको अनुसन्धान गरी त्यसका सञ्चालकविरुद्ध हालै मुद्दा दायर गरेको छ । उक्त सहकारीका सञ्चालक इच्छाराज तामाङ, उनकी पत्नी, छोरीहरू तथा आफन्त गरी ५ जनाविरुद्ध झण्ड...

साख बचाउन चुकेकी राष्ट्रपति !

साख बचाउन चुकेकी राष्ट्रपति !

असोज ६, २०७९

नेपालमा फेरि एकपटक संविधानमाथि निर्मम हमला भएको छ । हुन त यो दुईपटक सम्म संसद् विघटन गर्न खोज्दा सफल नभएको घटनाको क्रमिक शृंखला नै हो । शान्ति प्रक्रिया अझै टुंगोमा पुर्‍याउन नसकेको नकारात्मक अवस्थालाई ...

अछाम पहिरोले पुरेका 'मूल्यहीन' आँसुहरू र  हामीले सिक्न नसकेको पाठ

अछाम पहिरोले पुरेका 'मूल्यहीन' आँसुहरू र हामीले सिक्न नसकेको पाठ

असोज ३, २०७९

संसारमा आँसुको मूल्य कति हुन्छ, यसको स्पष्ट जवाफ कसैसँग छैन । विश्व फूटबलका चम्किला तारा लियोनल मेस्सीको एक थोपा आँसुको मूल्य भने १० लाख डलर हो । शायद यो नै ठोस रूपमा आँसुको पहिलो महंगो मूल्य होला । आफ्नो...

घोषणाको ७ वर्षसम्म कार्यान्वयनकै चरणमा संविधान !

घोषणाको ७ वर्षसम्म कार्यान्वयनकै चरणमा संविधान !

असोज ३, २०७९

नेपालको संविधान २०७२ जारी भएपछि मुलुकले नयाँ बाटो समायो । वर्षौंदेखि संविधान सभामार्फत नयाँ संविधान निर्माणका लागि दबाब दिँदै आएका थुप्रै समुदायले स्वागत गरे । ७ वर्षअघि नेपाली जनताका प्रतिनिधिले आफैं मेह...

ad
x