×

X
Nic Asia
Khukuri

प्रतिनिधिसभा निर्वाचन

महोत्तरी– ३ मा महन्थलाई दीपेन्द्र झाको टक्कर, चुनावमा आमनेसामने हुँदा कसको पल्ला भारी ?

काठमाडाैं | असोज ११, २०७९

NTC
Argakhanchi Cement
Premier Steels
TVS INSIDE

मधेश आन्दोलनका प्रमुख कमान्डरमध्ये एक रहेका महन्थ ठाकुर फेरि पनि महोत्तरी- ३ बाट प्रतिनिधिसभा सदस्यको उम्मेदवार बन्ने लगभग निश्चित भएको छ ।

LAxmi BAnk
nabil BANK inside

लोकतान्त्रिक समाजवादी पार्टीका अध्यक्ष समेत रहेका ठाकुर यसअघि २०७४ सालको प्रतिनिधिसभा निर्वाचनमा महोत्तरी- ३ बाट चुनाव जितेका थिए ।


Advertisment
RMC TANSEN
cg elex island
NIC ISLAND BOX

दोस्रो र तेस्रो मधेश आन्दोलनको नेतृत्व गरेका ठाकुरलाई यसपटक भने २०७४ जत्तिको सहज छैन । नेपाली कांग्रेसमा लामो समय राजनीति गरेर २०६३ सालमा उनी मधेशको राजनीतिमा लागेका थिए ।

नेपाली कांग्रेसको कोषाध्यक्ष समेत रहेका बेला उनले कांग्रेस परित्याग गर्दै आफ्नै नेतृत्वमा तराई मधेश लोकतान्त्रिक पार्टी गठन गरेका थिए ।


Advertisment
Saurya island

साविकको मधेशी जनअधिकार फोरम नेपालका अध्यक्ष उपेन्द्र यादवसँगै दोस्रो मधेश आन्दोलनको उनले नेतृत्व गरेका थिए ।

आठ बुँदे सम्झौतापछि २०६४ सालको पहिलो संविधान सभा चुनावमा भने उनी सर्लाहीबाट पराजित भएका थिए । २०७० सालको दोस्रो संविधानसभा चुनावमा पनि सर्लाही- ४ बाट उनी पराजित भएका थिए ।

Vianet communication
IME BANK INNEWS

२०७४ सालको निर्वाचनमा उनी आफ्नो परम्परागत क्षेत्र सर्लाही छाडेर महोत्तरी- ३ बाट निर्वाचित भएका थिए । २०७४ सालको प्रतिनिधिसभा निर्वाचनमा ठाकुर १८ हजार १६९ मतको फराकिलो अन्तरले निर्वाचित भएका थिए ।

२६ हजार ८४५ मत ल्याएर उनी निर्वाचित हुँदा उनका निकटतम् प्रतिद्वन्द्वी नेकपा एमालेका विजयकुमार चौधरीले ८ हजार ६७६ मत तथा स्वतन्त्र उम्मेदवार चन्देश्वर झाले ४ हजार २० मत मात्र ल्याएका थिए ।

कांग्रेस र सपाको सहयोग तथा आफ्नो जन्मस्थानमा फर्किएको भन्ने सहानुभूतिले महन्थलाई फराकिलो जीत दर्ता गर्न भूमिका खेलेको थियो ।

उनलाई यसपटक जनता समाजवादी पार्टीका तर्फबाट दीपेन्द्र झाले चुनौती दिने सम्भावना बढेको छ । मधेश प्रदेश सरकारमा मुख्य न्यायाधिवक्ता रहिसकेका झा पनि महोत्तरी- ३ बाट नै पाँचदलीय गठबन्धनको साझा उम्मेदवार बन्ने निश्चितजस्तै छ । झाले  मधेश आन्दोलनका समयमा अधिकारवादी अभियन्ता बनेर मधेशका विभिन्न जिल्लामा जनचेतना जगाउने काम गरेका थिए ।

त्यसबाहेक मधेश आन्दोलनका क्रममा राज्यद्वारा भएको हिंसाका विरुद्ध जेनेभास्थित अन्तर्राष्ट्रिय अदालतमा मुद्दा दर्ता गर्ने काम समेत उनले गरिसकेका छन् ।

मधेशको अधिकारका लागि उनले विभिन्न पुस्तक लेख्नुका साथै अनागरिकहरूको पक्षमा समेत लामो समयदेखि वकालत गर्दै आएका छन्।

मधेश प्रदेशमा लालबाबु राउत नेतृत्वको सरकार बनेपछि जसपाका अध्यक्ष उपेन्द्र यादवको चाहना र जोडबलमा उनलाई मुख्य न्यायाधिवक्ता बनाइएको थियो ।

झन्डै ५ वर्षसम्म मुख्य न्यायाधिवक्ता रहेका झा गत भदौ १८ गते मुख्यमन्त्री राउतलाई राजीनामा बुझाएर जसपामा प्रवेश गरेका थिए ।

राजनीतिमा डेब्यु उम्मेदवार भए पनि पाँचदलीय सत्ता गठबन्धनको साझा उम्मेदवार बन्न सके उनले लोसपा अध्यक्ष महन्थ ठाकुरलाई कडा चुनौती दिने सम्भावना छ ।

स्थानीय तहको परिणामले पनि लोसपाभन्दा जसपा नै बलियो अवस्थामा रहेको देखिन्छ । उक्त क्षेत्रमा मा ५ वटा स्थानीय तह छन् ।

जलेश्वर नगरपालिका, मटिहानी नगरपालिका, एकडारा गाउँपालिका तथा मनराशिसवा नगरपालिका र पिपरा गाउँपालिकाका केही वडालाई समेटेर क्षेत्र विभाजन गरिएको छ ।

ठाकुर चुनाव लड्नुअघि ती पाँचवटै पालिकामा लोसपाले जितेको थियो। जलेश्वर नगरपालिकामा रामशंकर मिश्र, मटिहानी नगरपालिकामा हरि मण्डल, मनराशिसवा नगरपालिकामा सञ्जय सिंह, पिपरा गाउँपालिकामा विनोद चौधरी र एकडारा गाउँपालिकामा रामछविला साहले जितेका थिए । तर, २०७९ वैशाख ३० गते सम्पन्न भएको स्थानीय तहको निर्वाचनमा ती पाँच पालिकामध्ये मटिहानीमा मात्र लोसपाले जीत हात पारेको छ ।

जलेश्वर नगरपालिकाको प्रमुखमा जनता समाजवादी पार्टीका सुरेश साह सोनार ७ हजार ३०६ मत ल्याएर निर्वाचित भएका छन् भने लोसपाका निवर्तमान प्रमुख रामशंकर मिश्र ५ हजार ४३० मत ल्याएर पराजित भएका थिए ।

मनराशिसवा नगरपालिकाको प्रमुखमा नेपाली कांग्रेसका मोहन पाण्डेय ५ हजार ८८४ मत ल्याएर निर्वाचित भएका थिए भने लोसपाका निवर्तमान प्रमुख सञ्जयकुमार सिंह २ हजार ७७२ मत ल्याएर पराजित भएका थिए ।

पिपरा गाउँपालिकाको अध्यक्षमा जसपाका रामजानकी यादव ५ हजार ५८२ मत ल्याएर निर्वाचित भएका थिए भने लोसपाका अमित कुमार पाण्डेयले २ हजार ९७७ मत ल्याएका थिए ।

एकडारा गाउँपालिकाको अध्यक्षमा जसपाका दीपनारायण मण्डल ४ हजार ४९९ मत ल्याएर निर्वाचित भएका थिए भने लोसपाका रामछबिला साहले २ हजार ४११ मत ल्याएका थिए ।

झाको पैतृक गाउँ महोत्तरी- २ को मडई हो । आफ्नो गृह क्षेत्रबाट लड्नुको साटो महोत्तरी- ३ मा आउँदा टुरिस्ट उम्मेदवार हुने टिप्पणी लोसपाका कार्यकर्ताहरूको छ।

उक्त आरोपका सन्दर्भमा झा भने आफूले महोत्तरी- ३ मै बसाइँसराइ गराइसकेको बताउँछन्।

'मैले जलेश्वरमा बसाइँसराइ गराइसकेको छु । अब मेरो क्षेत्र महोत्तरी-३ नै भएको छ,' झाले भने, 'मेरो पैतृक गाउँ महोत्तरी-२ मै भए पनि म अहिले जलेश्वरको बासिन्दा हुँ । त्यसकारण म महोत्तरी- ३ मा टुरिस्ट उम्मेदवार होइन ।'

जसपामा झाबाहेक पूर्व सभासद हरिनारायण यादवले पनि दाबी गरिरहेका छन् ।

अर्कातर्फ नेकपा एमालेसँग लोसपाको गठबन्धन भयो भने ठाकुर 'कम्फर्ट जोन'मा पुग्न सक्छन् । एमालेका तर्फबाट रामदयाल मण्डल प्रमुख दाबेदार छन् ।

उनले टिकट पाए उनको अवस्था पनि बलियो देखिएको छ । तर तालमेल वा गठबन्धन भए मण्डलले उक्त क्षेत्र छाड्नुपर्ने हुन्छ ।

त्यस्तो अवस्थामा एमालेले ठाकुरलाई पूर्ण सहयोग गरे मात्र ठाकुरलाई सहज हुने हो । एमालेले अन्तर्घात गरेको अवस्थामा ठाकुरलाई असहज हुन सक्छ ।

सूची सच्याएर समानुपातिकमा बस्न सुझाव

महन्थलाई निकटस्थ र शुभचिन्तकहरूले समानुपातिकमा बस्न सुझाव दिन थालेका छन् । तर, लोसपाले निर्वाचन आयोगमा बुझाएको बन्दसूचीमा महन्थको नाम छैन ।

'बन्दसूची सच्याउने समय १६ गतेसम्म छ । सूची सच्याएर भएपनि समानुपातिकमा बस्न सुझाव आएको छ,' लोसपा स्रोतले लोकान्तरसँग भन्यो ।

सुरक्षित हुने भन्दै सुझाव दिइए पनि थ्रेसहोल्ड नकटेमा के गर्ने भन्ने अन्योलमा महन्थ छन् । समानुपातिकबाट सांसद बन्न पार्टीले कम्तीमा ३ प्रतिशत मत प्राप्त गर्नुपर्छ ।

Maruti inside
Mega
NLIC
TATA Below
ncc inside
मंसिर १२, २०७९

सीके राउत नेतृत्वको जनमत पार्टीले हालसम्म गणना भएको मतमा ३ प्रतिशतको थ्रेस होल्ड कटाएको छ । सोमबार रातिसम्म प्रतिनिधिसभाको समानुपातिकतर्फ कुल ९४ लाख ५२ हजार २७६ मत गणना हुँदा सो पार्टीले २ लाख ८४ हजार ८...

मंसिर १३, २०७९

राष्ट्रिय स्वतन्त्र पार्टीले निर्वाचनको पूर्ण नतिजा आएपछि सरकारमा सहभागिताबारे निर्णय लिने बताएको छ । सो पार्टीका सभापति रवि लामिछानेले आफूहरूले केन्द्रीय राजनीतिको हालको परिस्थितिलाई नजिकबाट नियालिरहेको भन्दै न...

मंसिर १२, २०७९

निर्वाचनमा जनताको घरदैलोमा जाँदा भावी मुख्यमन्त्रीका रूपमा आफूलाई प्रस्तुत गर्दै भोट माग्ने प्रदेशसभाका हेभीवेट उम्मेदवारहरू पराजित भएका छन् । प्रदेश– १ को प्रदेशसभा सदस्यमा उम्मेदवार भएका हेभीवेट उम्मेदव...

मंसिर १२, २०७९

प्रधानमन्त्री शेरबहादुर देउवाले शान्तिपूर्वक निर्वाचन गराउन सफल भएको भन्दै सुरक्षा निकायका प्रमुखलाई बोलाएर धन्यवाद दिएका छन् । सोमबार बेलुका प्रधानमन्त्री निवास बालुवाटारमा नेपाल प्रहरीका प्रहरी महानिरीक्षक (आईजीप...

मंसिर १३, २०७९

निर्वाचन आयोगले प्रतिनिधिसभाको समानुपातिकतर्फ हालसम्म ९९ लाख ८८ हजार ५८५ मत गणना सम्पन्न भएको जनाएको छ । जसअनुसार ७ वटा पार्टीको थ्रेस होल्ड कटेर राष्ट्रिय पार्टी बनेका छन् भने नेकपा एकीकृत समाजवादी पार्टी थ्रेस ...

मंसिर १३, २०७९

सुनसरी प्रतिनिधिसभा निर्वाचन क्षेत्र नम्बर ३ मा एमालेकी भगवती चौधरीले फराकिलो अग्रता बनाएकी छन् । कांग्रेसका उम्मेदवार विजय कुमार गच्छदारले भन्दा भगवतीले ६ हजार ३३५ मत बढी प्राप्त गरेको निर्वाचन अधिकृतको कार्यालय...

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मंसिर ९, २०७९

मधेश आन्दोलनबाट उदाएका राजनीतिक दलहरूको अहिले भएको हार स्वाभाविक नै हो । केही दिनपछि मान्छेमा वितृष्णा आउनु स्वाभाविक नै हो । मधेश आन्दोलनको आक्रोश मत्थर भएको छ । सबै आ-आफ्नै कामधन्दामा लागेका छन् । नुन, तेल,...

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

मंसिर १, २०७९

परशुराम बस्नेत प्रदेशसभा सदस्य उम्मेदवार, मोरङ, क्षेत्र नम्बर ६ (ख) म निर्वाचनमा उम्मेदवारी दर्तापछि विभिन्न अभियानमा सहभागी हुनका लागि बिहान ५ बजे उठ्छु । व्यस्तता बढी हुने भएकाले प्रायःजसो राति १ बजे सुत्छु ...

रुपन्देहीका सपनालाई विपनामा बदल्ने नेता विष्णु पौडेल

रुपन्देहीका सपनालाई विपनामा बदल्ने नेता विष्णु पौडेल

कात्तिक ३०, २०७९

डी.आर. घिमिरे पुराना बेठीक नयाँ ठीक भन्ने भाष्य अहिले नेपाली राजनीतिमा खडा गरिएको छ । निर्वाचनका सन्दर्भमा यो कति ठीक हो भन्ने समीक्षा गर्न पाँच वर्ष कुर्नुपर्ने अवस्था छ । तथापि फोहोर बनेको राजनीतिलाई...

ad
x