हालै भारतीय प्रतिष्ठित अवार्ड पद्मभूषणबाट सम्मानित दक्षिण भारतीय गायिका वाणी जयरामको ७७ वर्षको उमेरमा निधन भएको छ ।

उनको टाउकोमा लामो समयदेखि चोट लागेको थियो, जसका कारण उनी बिरामी भइरहन्थिन् । उनी शनिबार बिहान चेन्नईस्थित आफ्नै घरमा मृत फेला परेकी थिइन् । उनको मृत्युको कारण भने अझै खुल्न सकेको छैन । 

वाणी जयराम दक्षिण भारतीय चर्चित प्लेब्याक सिंगर थिइन् ।

सन् १९४५ मा तमिलनाडुको वेल्लोरमा जन्मिएकी वाणीले आफ्नो करियरमा तमिल, तेलुगु, कन्नड, मलयालम, हिन्दी, उर्दूलगायत १९ भाषामा १० हजारभन्दा बढी गीत गाएकी छन् । केही समयअघि वाणीले आफ्नो सांगीतिक करियरको ५० वर्ष पूरा गरेकी थिइन् । 

वाणीले बलिउडमा पनि धेरै उत्कृष्ट गीत पनि दिएकी

सन् १९८० मा फिल्म 'मीरा'को ‘मेरे तो गिरधर गोपाल...’ गीतका लागि वाणीलाई फिल्मफेयर अवार्डबाट सम्मानित गरिएको थियो।

उनले चलचित्र गुड्डीमा गाएको 'बोले रे पपिहारा' गीत पनि निकै चर्चित भएको थियो । यसका साथै सन् १९९१ मा संगीतपीठ सम्मानबाट पनि सम्मानित भएकी थिइन्। वाणी यो सम्मान पाउने सबैभन्दा कान्छी गायिका थिइन् । त्यतिबेला उनको उमेर मात्र ४६ वर्षको थियो। 

वाणीले एमएस इलैयाराजा, आरडी बर्मन, केवी महादेवन, ओपी नय्यर र मदन मोहनजस्ता दिग्गज संगीतकारहरूसँग काम गरे। उनले चलचित्र स्वप्नमबाट करियर शुरू गरेका थिए ।