मन्त्रालय भागबण्डा टुंग्याउन बसेको सत्तारुढ गठबन्धनको बैठक फेरि निष्कर्षविहीन बन्न पुगेको छ ।

मंगलवार साँझ कुनै सहमति नभएपछि बुधबार बिहान साढे ९ बजेपछि दुई घण्टा छलफल भए पनि निष्कर्षमा नपुगिएको लोसपाका नेता शरतसिंह भण्डारीले जानकारी दिए । 

‘मन्त्रालयको भागबण्डामा सहमति जुटाउने प्रयास भइरहेको छ । तर, बुधवार बिहानको छलफलले कुनै नतिजा दिन सकेन,’ भण्डारीले लोकान्तरसँग भने, ‘अब प्रतिनिधिसभाको बैठक पनि छ । यो बैठकपछि आजै ३ बजे पुनः सत्ता गठबन्धनको बैठक बस्नेछ ।’

भण्डारीका अनुसार दलहरूले मन्त्रालयमा धेरै संख्या खोज्दा सहमति हुन नसकेको हो । 

बुधवार नेकपा एसले आफूलाई ३ मन्त्रालय दिनैपर्ने अडान लिएको छ । 

नेकपा एसको अडानपछि प्रधानमन्त्री प्रचण्डले अध्यक्ष माधव नेपालसँग छुट्टै छलफल गरेका छन् ।