नेकपा (एकीकृत समाजवादी) ले सरकारमा सहभागी हुने बारेमा प्रधानमन्त्री जवाफको प्रतीक्षा गर्ने भएको छ ।

बुधबार बसेको पार्टीको पदाधिकारी बैठकले आफ्नो दाबी ३ वटा मन्त्रालयमा रहेको र मन्त्रालय प्राप्त नभइसकेको र मन्त्रालय टुंगो पनि नलागेका कारण प्रधानमन्त्रीको उत्तरको प्रतीक्षामा रहेको बताएको हो ।

बैठकपछि सञ्चारकर्मीसँग कुरा गर्दै पार्टीका उपमहासचिव जगन्नाथ खतिवडाले आफ्नो पार्टीले धेरै त्याग गरिसकेकाले अब आफूले मागेका ३ मन्त्रालयमा आफ्नो पार्टीको अडान रहेको बताए।

उनले ३ वटा मन्त्रालय प्राप्त नभइसकेको र मन्त्तालयको पनि टुंगो नभएकाले प्रधानमन्त्रीको जवाफ कुरेर बसेको बताए। 

उनले भने, ‘धेरैबेर छलफल गरेका छौँ । ३ मन्त्रालयमा हाम्रो दाबी छ । मन्त्रालय प्राप्त भइनसकेको र मन्त्रालय पनि टुंगो लागि नसकेकाले हामी प्रधानमन्त्रीको उत्तरको प्रतीक्षामा छौँ । जुनकुनै बेला पनि मन्त्रीको नाम दिन सक्ने गरी तयारीमा छौँ । हामी ३ नाम दिन तयार भएर बसेका छौँ ।’