अख्तियार दुरुपयोग अनुसन्धान आयोगले विशेष अदालतको फैसलाउपर सर्वोच्च अदालतमा तीन वटा मुद्दा पनरावेदन दिएको छ ।

अदालतबाट विभिन्न मितिमा भएका फैसलामध्ये घुस–रिसवतको एक तथा सार्वजनिक सम्पत्ति हानि नोक्सानीसम्बन्धी दुईवटा मुद्दामा चित्त नबुझी पुनरावेदन गरिएको अख्तियारका प्रवक्ता भोला दाहालले जनाएका छन् ।

घुस–रिसवतका मुद्दामा नवीन शर्मा, शिवशंकर पोख्रेल, भुवान सिंह ठकुरी, नन्द सिंह ठकुरी र टीका वली प्रतिवादी रहेका छन् ।

यस्तै, सार्वजनिक सम्पत्ति हानि नोक्सानीसम्बन्धीमा राजेन्द्रबहादुर भण्डारीविरुद्धको र रेशमबहादुर थापाक्षेत्री, मोदनाथ पौडेल, बद्रीनाथ रेग्मी र बालकृष्ण अर्याविरुद्धका मुद्दा छन् ।